Kim Dotcom ឲ្យ $1​ម៉ឺន​ដុល្លារ​ដល់​អ្នក​ដែល Hack គេហទំព័រ​ថ្មី​បាន​

​ដោយមាន​នូវ​ទំនុកចិត្ត​ខ្ពស់​ទៅលើ​ប្រព័ន្ធ​សុវត្ថិភាព​របស់ខ្លួន លោក Kim Dotcom ស្ថាបនិក​
Mega Upload បានប្រកាស​នៅលើ​បណ្ដាញ Twitter​ថា នឹង​ជួន​រង្វាន់​ទឹកប្រាក់​ចំនួន ១​ម៉ឺន​អឺរ៉ូ​
​ដល់​ជន​ណា​ដែលមាន​សមត្ថភាព Hack ប្រភព​គេហទំព័រ​ថ្មី​របស់លោក​។​
​កាលពី​សប្ដាហ៍​មុន លោក Dotcom បាន​និយាយថា លោក​ពិតជា​មានការ​ភ្ញាក់ផ្អើល​យ៉ាងខ្លាំង​
​នៅពេលដែល​បាន​ឮថា មាន Hacker អាច​វាយលុក គេហទំព័រ Mega ថ្មី​ដែល​លោក​ទើបតែ​
​ដំណើរការបាន​រយៈពេល ១​សប្ដាហ៍​។ លោក បាន​និយាយ​នៅលើ​ប្លក់​របស់ Mega ថា លើក​មាន​
​ភាពជឿជាក់​លើ​ប្រភព​សុវត្ថិភាព និង​ក្រុមការងារ​របស់លោក ដូច្នេះ​គ្មាន​នរណា​ដែល​ចូល​លួច​
​ទិន្នន័យ និង​ផ្លាស់ប្ដូរ​លេខ​សង្ងាត់​របស់​អ្នក​ប្រើ Mega ថ្មី​នេះឡើយ​។​
​យោងតាម​សម្ដី​របស់ Kim Dotcom បាន​ឲ្យ​ដឹងថា មាន​ឯកសារ​ជាង ៥០​លាន​ហើយ​ដែល​បាន​
​រក្សាទុក ព្រមទាំង​មាន​អតិថិជន​ជាង ១​លាន​នាក់​បាន​ចុះឈ្មោះ ក្រោយ​ពេលដែល​ដាក់​ឲ្យ​ប្រើ​
​ជា​សាធារណៈ​បាន ១​ថ្ងៃ​៕​