រុស្ស៊ី​​គ្រោង​ប​ង្កើ​តមន្ទីរពិ​សោធន៍​លំហ​អាកា​សស្វ័យប្រវត្តិ​

ក្រុម​ភ្នាក់ងារ​អវកាស​បាន​និយាយថា ក្រុមហ៊ុន​អវកាស​ឧស្សាហកម្ម Energia របស់​រុស្ស៊ី បានទទួល​ជ័យជម្នះ ទៅលើ​កិច្ចសន្យា​មួយ ដើម្បី​បង្កើត​មន្ទីរពិសោធន៍ នៅក្នុង​គោល​ចរ លំហ​អាកាស​។​ ​ប្រភពព័ត៌មាន​រុស្ស៊ី RIA Novosti គឺជា​អ្នកដេញថ្លៃ​តែមួយគត់ដែល​បានទទួល​ជ័យជម្នះ នៅក្នុង​កម្មវិធី​ចុះកិច្ចសន្យា របស់​ភ្នាក់ងារ​លំហ​អាកាស Federal របស់​ប្រទេស​រុស្ស៊ី​នៅ​ពាក់កណ្តាល ខែតុលា​កន្លងទៅនេះ​។​ ​ជាមួយគ្នានេះដែរ យាន​មន្ទីរពិសោធន៍ ដែល​នឹង​ត្រូវបាន​បង្កើតឡើង នៅក្នុង​គោលបំណង​ជាច្រើន​មានឈ្មោះ​ថា Oka-T-MKS នឹងត្រូវ​បង្កើត​ដោយ​ឧបករណ៍ ស្វ័យប្រវត្តិ​នៅក្នុង​គោល​ចរ​លំហ​អាកាស​។ ហើយ​វា​អាចមាន​សមត្ថភាព អាច​ផ្ទុក​ឧបករណ៍​ផ្សេងៗ បាន​ជិត ៨១៥​គីឡូក្រាម​។

មិនតែប៉ុណ្ណោះ​វា​នឹងមាន តួនាទី​នៅក្នុង​កិច្ចការ​ស្រាវជ្រាវ​អំពី សារធាតុ​និង​រូបធាតុ​ដែលមាន នៅក្នុង​លំហ​អាកាស ជីវសាស្ត្រ និង​វេជ្ជសាស្ត្រ​។​ ​គួរ​បញ្ជាក់ដែរថា យាន​មន្ទីរពិសោធន៍​នេះ នឹងត្រូវ​បង្កើត​រួចរាល់ ព្រមទាំង​ធ្វើការ​បង្ហោះ​ទៅកាន់ គោល​ចរ​លំហ​អាកាស នៅក្នុង​ឆ្នាំ ២០១៥​ខាងមុខនេះ​៕​